Welcome to Vin TV Kurdish entertainment and Music Channel. The #1 kurdish entertainment channel in Kurdistan region Kenalê vîn tv , ڤین تی ڤی

vintv

پشتی چەندین جاران مافێن رەوشەنبیر و ھونەرمەند و نڤێسکار و داھێنەران نەھاتینە پاراستن و ھەردەم گازندە ئەو بوویە چو قانوونەک نینە، پەرلەمانێ کوردستانێ قانوونا پاراستنا مافێن داھێنەران پەسەندکر.
ئەندمەکێ لژنا رەوشەنبیری و راگەھاندنێ پەرلەمانێ کوردستانێ دیارکر کو قانوونا پاراستنا مافێن ھونەرمەند و رەوشەنبیری و نڤێسکارا ھاتیە پەسندکرن ژلایێ پەرلەمانی ڤە و پشتی گەنگشەکا زور سەر ھاتیەکرن، د.ئەھمەد وەرتی زێدەتر ژی بۆ ئەڤرۆ دیارکر کو ناڤ ونیشان ھاتنە گۆھورین ب ناڤێ پاراستنا مافێن دانەری و پەرلەمانی ھاتەپەسەندکرن، ھەمبەر گرنگیا قانوونا ناڤبری.
د. ئەھمەمەد وەرتی بۆ ئەڤرۆ گۆت: پێتر گازندە ھەبوو کو مافێن دانەران کو دھەر وارەکێ رەوشەنبیری، ھونەری، ئەدەبیان ، ستران گوتن دابیت، ماف ناھێتە پاراستن و دھێتە کوپیکرن، لدووف ڤێ قانوونێ مافێ ھەموویان ھاتیە پاراستن و کەس نەشێت ڤی کاری بکەت و سزایەک بو ئەڤا کەسان ھاتیەدیاریکرن، ئەندامێ لژنا رەوشەنبیری دیارکر ژی و بێی خودانێ پەرتوکێ یان سیدی نابیت ب چوو جورا بھێتە کوپیکرن و ماف ھاتیە پاراستن، ھەمبەر سزاژی ناڤبری گۆت: سزایێن پارەیی جورە و جور و ھەر ئێک لدووف تایبەت مەندیا خوە ھاتینە دەست نیشانکرن و ئەڤە گەلەکا گرنگە مافێ خودانێن ھزرێ دھێتە پاراستن و قانوون رێگرە، ھەمبەر ھونەرمەندێن وەخەرکری و مافێن وانژی نافھاتی گۆت: قانوونێ ٥٠ سال وەک ماف داینە ھونەرمەندی و پشتی وەخەرکرنێ ژی دوو سالان مافێ بەرھەمیێ پاراستیە و ھەکە کەس و کار نەبوون، ھکوومەت دبیتە کەس و کارێن وی و ناھێلیت بو ماوێ دو سالان کەس دەست کاریێ دبەرھەمێن وی دا بکەت.

كاوين جيهاد ته‌حلاڤى

ب ھەلکەفتا پارێزگەھبونا دھۆکێ رێڤەبەریا گشتی یا رەوشەنبیری و ھونەری و وەرزش و لاوان/دھۆک مژویلی دروستکرنا ئێکەم کەرنەڤالێ دھۆکێ ل ٢٧،٢٨ ڤێ مەھی گێریت.

ل سەر دروستکرنا ئێکەم کەرنەڤالێ دھۆکێ ئەیوب رەمەزان فەتاح رێڤەبەرێ گشتی یێ رەوشەنبیری و ھونەری و وەرزش و لاوان/ دھوک گۆت:نوکە ژ لایێ ھونەری ڤە وەکو سترانبێژ و گوڤەند ژ ھەر لایەکی ڤە بدووماھی ھاتینە و ژ رۆژ ھەلات و رۆژ ئاڤا و باکور گرۆپ و ھونەرمەند و مێھڤان د داخوازکرینە بۆ کەرنەڤالێ و دەست ب کارێن کەرنەڤالێ ب بەرفرەھتر دێ ل ٢٠ ڤێ ھەمێ دەست ب ھەوا ریکلاما کەرنەڤالێ ھێتەکرن.
ئەیوب رەمەزان زێدەتر گۆت:ھونەرمەند (جەیلان) دگەل گرۆپێ خوەیێ موزیکێ ژ تورکیا مێھڤانە و (بەردان ماردینی) ژی ژ باکورێ کوردستانێ و ھەر وەسان سترانبێژا لبنانی (سەلما مەطەر) و دیسان دگەل گرۆپێن ھونەرێ ملی دێ ل سەر دوو رۆژان یا بەردەوام بیت.

كاوين جيهاد ته‌حلاڤى

ل سالڤه‌گه‌را‮ ‬115 ساليا رۆژنامه‌ڤانايا كوردي‮ ‬دا،‮ ‬كونسێرته‌كا هه‌لبه‌ست خواندنێ بۆ هه‌لبه‌ستڤان‮ ‬موئه‌يه‌د ته‌يب،‮ ‬پێر ‮03/4‬ ژ لايێ رێڤه‌به‌ريا چالاكيێن وێژه‌ي‮/ ‬دهۆك،‮ ‬ل هۆلا ئێكه‌تيا نڤيسه‌ران هاته‌ گێران،‮ ‬و ل دووماهيێ هه‌لبه‌ستڤان هاته‌ خه‌لاتكرن‮.‬
هه‌لبه‌ستڤانێ گۆت‮:‬د ڤێ ئێڤاريێ دا ئه‌ز شيام چه‌ند نموونه‌يه‌كا ژ ئه‌زموونا خوه‌‮ ‬يا پتر ژ‮ ‬35 سالان د نڤيسينا هه‌لبه‌ستێ دا بينمه‌ به‌رچاڤ و چه‌ندين هه‌لبه‌ستێن خوه‌ ێن نوو و كه‌ڤن بخووينم‮. ‬و گۆت‮: ‬هێشتا هه‌لبه‌ست‮ ‬يا زيندي‮ ‬يه‌،‮ ‬و ئاماده‌بوونا گه‌له‌ك گه‌نجان د هۆلێ ڤه‌ گه‌له‌ك دلێ من گه‌ش كر،‮ ‬و ئه‌ڤه‌ به‌لگه‌‮ ‬يه‌كه‌ بوو گۆتنێن وان كه‌سێن دبێژن هه‌لبه‌ست‮ ‬يا مري،‮ ‬به‌لێ ئه‌ز دبێژمه‌ وان كه‌سان هه‌لبه‌ست ل وي‮ ‬ده‌مي‮ ‬دێ مريتن ده‌مێ زمان د مريت و مرۆڤايه‌تي‮ ‬نه‌ مينيت‮.‬
هه‌رو ه‌سا ناڤهاتي‮ ‬ئاماژه‌ دا وێ چه‌ندێ،‮ ‬كو هه‌لبه‌ست پێدڤيه‌كه‌ بوو مه‌ و هه‌كه‌ د ژيانا مه‌ دا ئه‌ڤ كه‌ڤالێن جوان و هه‌لبه‌ست و مۆزيكێن خوه‌ش نه‌بانه‌‮ ‬دا ژيانه‌كا ڤالا و بێزار بيت،‮ ‬و ديار كر ئارمانج ژ هه‌لبه‌ستا كوردي‮ ‬ئه‌وه‌ ئه‌م پتر ب ئاخا خوه‌ ڤه‌ د گرێداي‮ ‬بين و پتر لسه‌ر دۆزا خوه‌ د رژد بين،‮ ‬و وه‌كو ئه‌م نه‌ته‌وه‌يه‌ك مه‌ مافێ سه‌ربه‌خوه‌ بوونێ و ئازاديێ هه‌يه‌ و ئه‌ڤي‮ ‬ملله‌تي‮ ‬چو جاران بن ده‌ستي‮ ‬قه‌بوول نه‌كريه‌ و نا كه‌ت ژي‮. ‬
هه‌لگۆرد قه‌هار،‮ ‬رێڤه‌به‌رێ رێڤه‌به‌ريا چالاكێن وێژه‌ي‮ ‬ل دهۆكێ بۆ ئه‌ڤرۆ دبێژيت‮: ‬مه‌ ئه‌ڤرۆكه‌ د كه‌ش و هه‌وايه‌كێ گه‌رم دا و ب هه‌لبه‌ستێن گه‌رم ڤي‮ ‬خه‌لكي‮ ‬پێشوازيه‌كا گه‌له‌ك جوان ل هه‌لبه‌ستڤان و رۆژنامه‌ڤان‮ (‬موئه‌يه‌د ته‌يب‮)‬ي‮ ‬كر‮. ‬و گۆت‮: ‬مه‌ره‌ما مه‌ ژ گێرانا ڤان جوره‌ كونسێرتێن هه‌لبه‌ست خواندنێ ئه‌وه‌،‮ ‬كو ئه‌م بشێن وێ خه‌بات و ره‌نج و زه‌حمه‌تا ڤان نڤيسه‌ران د درێژاهيا مێژوويێ دا ديتي‮ ‬بينينه‌ به‌رچاڤ،‮ ‬و هيڤيا مه‌ ئه‌وه‌ ل ده‌مه‌كێ نێزيك خه‌لك ب پلێت بهێت گۆهداريا هه‌لبه‌ستان بكه‌ت‮

كاوين جيهاد ته‌حلاڤى

ھونەرمەند بلند ئیبراھیم ل ئامەدێ دیارکر کو بەری نوکەژی چەندین جاران ژمن ھاتبو داخوازکرن کونسێرتان ل ئامەدێ بگێرم لێ ژبەر ھندەک ئەگەران نەدشیام بچم لێ ب ھەر حال ئەڤ جارە شیام ل باژێرێ دلا و دناڤ خەلکێ مة بێھنا ئازادیێ د ھەلکێشن کونسێرتا خوە سازبکەم.

زێدەتر بلند ئیبراھیم دبێژیت:خەلکێ ئامەدێ ھەژی ھەر تشتەکی یە مرۆڤ بۆ بکەت و تایبەت وەکو ھونەرمەند و ل ڤی باژاری کونسێرتان سازبکەین و ئەڤرۆ ھەست دکەم یێ د ئازادیەکا دیدا دژیم و ل ڤێرە مرۆڤ ھەست ب خوشی و تامەکادی دکەت چنکو ل ڤێرە گەلەک تشت قەدەغەنە لێ مە ب ئازادی ھەر تشتەک کر و ل دوماھیێ من سوزا خوە دگەل خەلکێ ئامەدێ ب بجهـ ئینا و ئەڤرۆ ل گەل وانم.