كاوين جيهاد تهحلاڤى
ھونەرمەند سامان شەوکەتیێ ب سترانا (بورین سالێن عەمرێ زیکا) ل دەڤەرا بەھدینان بەرنیاس بووی، دیار کر کو نوکە ئەو مژوولی بەرھەمەکێ نوویە و ل دەمەکێنێزیک دێ کەفیتە بەر دەستێ گوھدارێن دەنگێ وی و گۆت: (د بەرھەمێ نوو دا وی سترانەک ب دوێت ل گەل ھونەرمەندا کچ دلبەرێ گۆتیە).
ل دور دەسپێکا کارێ خۆیێ ھونەری سامانی گۆت: (بابێ من شەوکەت تەوفیق ھونەرمەند بوو، لەوما ھەر ل زاروکینیا خۆ من ھەز ل سەر موزیکێ و ستران گۆتنێ ھەبوو و ل دێ سالیێ من دەست ب ژەنینا موزیکێ و ستران گۆتنێ کر).
سترانا ئێکێیا سامان شەوکەت ب ناڤێ ژانی پەنجە بوو، لێ وەکو ئەو دبێژیت پتر ب سترانا بورین بەرنیاس بوو کو ژ پەیڤێن کەریم بەدەل و ئاوازێن دریس بەدەل بوو، لەوما ناڤێ ئەلبوما خۆیا ئێکێ ژی کرە بورین.
