Welcome to Vin TV Kurdish entertainment and Music Channel. The #1 kurdish entertainment channel in Kurdistan region Kenalê vîn tv , ڤین تی ڤی

شەھیان تەحسین- ناشڤیل، ئەمریکا
پشتی وان ئامادەکاریێن ھاتینە کرن ژلایێ فلمە فێستیڤالا دھوک یا نێڤ دەولەتیڤە بو بەشداری کرنا فلمێن کوردی ل فێستیڤالا ناشڤیل، ل ڕوژا ١٩ ڤێ مەھێ پێشوازی ل شاندێ فێستیڤاڵا دھوکێ و ئەکادیمیا ئۆسکارسێ ھاتە کرن ل سەر مەحفیرێ سوور و د ڕێ و ڕەسمەکێ ژ ھەژی دا دەست ب ڕوژا ئێکێ یا تەرخان کری بو فلمێن کوردی ھاتە کرن و ب ئامادەبوونا میدیا کوردی و ئەمریکی (تێد کرۆکێت) ڕێڤەبەرێ فلمە فێستیڤاڵا ناشڤیڵ دل تەنگییا خوە دیارکر بەرامبەر گیروکرنا ڤیزێن شاندێ کوردستانێ وگوت جھێ دل گرانیێ یە کو شاندەک پێک ھاتبیت ژ ٢٠ کەسان بتنێ ٥ کەس بگەھنە فێستیڤالێ، ھەروەسا گوت (ئەڤێ ڕەفتارێ کارتێکرنەکا نەرێنی ل سەر فێستیڤاڵا ناشڤیل کر) و پاشان خوەش حالییا خوەژی دەربڕی بئامادەبوونا ھەر ٥ کەسێن شاندێ کوردستانێ یێن کو شییاین بگەھنە ناشڤیل ددەمێ خوەدا.

كاوين جيهاد ته‌حلاڤى
بھەلکەفتا ١١٥ سالیا دەرکەفتنا ئیکەم روژناما کوردی ب ناڤی روژناما کوردستان زلایی میقداد مەدحەت بەدرخان ل٢٢ نیسانا سالا١٨٩٨ل قاھیرەیا پایتەختێ مسری.

ب ڤێ ھەلکەفتنێ ل دەنێ سپێدێ ل سەندیکا رۆژنامەڤانێن دھوکێ پێشوازی ل مێھڤانان ھاتە کرن ژ لایێ سەندیکایێ ڤە.

ھەر د ھەمان ھەلکەفت دا رێڤەبەریا گشتیا رەوشەنبیری و ھونەری و وەرزش و لاوان / ریچڤەبەریا چالاکێن وێژەی گشت دەزگەھێن راگەھاندنێ ل پارێزگەھا دھوکێ خەلات کرن و د وێ خەلاتکرنێ دا چەندین پێشنیار ژ لایێ رێڤەبەرێ گشتیا رەوشەنبیری ئەیوب رەمەزان ھاتنە کرن کەنال و رادیۆیا ڤین ھاتنە خەلاتکرنرۆژنامەڤان ئەڤ سالە ل دھوکێ کونفرەنسەکێ رۆژنامەڤانی ب دانان و مفای ژ بوچونێن ئێک و دوو وەرگرن کو بشێن د وان بوچونان دا ب چەند خالان بگەھنە ئێک.

د گه‌ڕا 6ێ يا فه‌ستيڤالا فلمێن گۆلف دا ل ميرگه‌ها دوبه‌يا وه‌لاتێ ئيماراتێ، هنده‌ك فلمێن ده‌رهێنه‌رێن كوردان خه‌لات وه‌رگرتن، رێڤه‌به‌رييا ره‌وشه‌نبيري و هونه‌ري ل زاخۆ پشكا راگه‌هاندنێ ل 18/4 پريس كۆنفرانسه‌ك بۆ ده‌رهێنه‌ر كاميران بێتاسي سازكر، لدۆر وي خه‌لاتێ ل فه‌ستيڤالا گۆلف يا دوبه‌ي ب ده‌ست خوه‌ ڤه‌ ئينايي.

زێده‌باري پريس كۆنفرانسي ده‌رهێنه‌رێ كورد كاميران بێتاسي تايبه‌ت بۆ وار راگه‌هاند كو د فه‌ستيڤالا ناڤهاتي دا (5) خه‌لات ب فلمێن درێژ و (5) ژي ب كورته‌ فلمان هاتنه ‌دان.
بێتاسي گۆتژي كو وي ب كورته‌ فلمێ خوه‌ يێ ب ناڤێ silhouette”” خه‌لاتێ تايبه‌تێ ليژنه‌يا ژوورييا فه‌ستيڤالێ وه‌رگرت و فلمێ ”ميسي يێ به‌غدا” ژ ده‌رهێنانا سه‌هيم عومه‌ر خه‌ليفه‌ خه‌لاتێ باشترين فلم وه‌رگرت، ديسان فلمێ بێكه‌س ژ سلێمانييێ ژي دو خه‌لات ب باشترين سيناريۆ و ده‌رهێنانێ وه‌رگرتن.
ده‌رهێنه‌ر كاميراني دا زانين ژي كو چيرۆكا كورته‌ فلمێ وي لدۆر مرن و ژيانێ يه‌، كا چاوا مرۆڤ به‌رخوه‌دانێ بكه‌ت كو ژ كه‌رستێن مرنێ، ژيانێ په‌يدا بكه‌ت.
بێتاسي زێده‌تر گۆت: يا گرنگ ب تنێ نه‌ وه‌رگرتنا ڤان خه‌لاتانه‌، به‌لكو پشكداربوون د فه‌ستيڤالێن وه‌ها دا و گه‌هاندنا په‌ياما مه‌ كوردان گه‌له‌ك گرنگه‌، داكو ئه‌م پتر خوه‌ بۆ خه‌لكي بده‌ينه‌ نياسين.
هه‌روه‌سا دياركر: كۆ بڕيار ئه‌وه‌ ل ده‌مه‌كێ نێزيك فه‌ستيڤالا گۆلڤ پشته‌ڤانيا وي بكه‌ت بۆ دروستكرنا كورته‌ فلمه‌كێ سينه‌مايي.
بێتاسي خوه‌شحاليا خوه‌ ژي دياركر ل هه‌مبه‌ر ڤێ پێنگاڤا ريڤه‌به‌ريا ره‌وشه‌نبيري و هونه‌ريا زاخۆ.
فلمێ سلويت ل فه‌ستيڤالا 2011ێ يا فلمان ل دهۆكێ خه‌لاتێ باشترين فلم وه‌رگرتبوو و چه‌ندين خه‌لاتێن ديتر ژي وه‌رگرتينه‌.
پێدڤي ئاماژه‌كرنێيه‌ كو فلمێ "ميسي يێ به‌غدا" يێ ده‌رهێنه‌ر سه‌هيم عومه‌ر به‌ري نوكه‌ ژي خه‌لاتێ جۆري د فه‌ستيڤالا فلمێن ليۆڤين يا به‌لژيكي دا وه‌رگرتبوو.
به‌ره‌ڤان ئه‌حمه‌د به‌رپرسێ راگه‌هاندنا رێڤه‌به‌ريا ره‌وشه‌نبيري و هونه‌ري ل زاخۆ دياركر كو مه‌به‌ستا وان ژ ڤي پريس كۆنفرانسي ئه‌و بوو كاميران بێتاسي به‌حس ل گرنگيا فه‌ستيڤالێ بكه‌ت، به‌ره‌ڤان دياركر ژي كو كاميران بێتاسي شيابوو ل وێ فه‌ستيڤالێ رۆله‌كي گرنك بگێڕيت دگه‌ل دا ده‌رهێنه‌ر سه‌هيم عمر خه‌ليفه‌ كوڕێ پارێزگه‌ها دهۆكێ و باژێڕێ زاخۆ خه‌لاتي باشترين فيلم وه‌رگرتبوو.
تێ زانين كو كورته‌ فلمێ "خاكێ پاله‌وانان" يێ ده‌رهێنه‌ر سه‌هيم عومه‌ري هه‌تا نوكه‌ 21 خه‌لاتێن جيهاني ب ده‌ست خوه‌ ڤه‌ ئيناينه‌ و ب ڤێ چه‌ندێ ژي ريكۆردا وه‌رگرتنا پترين خه‌لاتان ل وه‌لاتێ به‌لژيكا شكاندييه‌.
هه‌ژي گۆتنێيه‌ كو ب پشكدارييا 169 فلمێن كورت و يێن درێژ، كو ژ هه‌موو وه‌لاتان هاتبوون، فه‌ستيڤالا فلمێن گۆلف ل دوبه‌ي هاتبوو سازكرن.